حاولت اغير طبعك

حاولت أغير طبعك ولكن أزريت
طوفـت لك لين اجرحتني طبـاعك

كنت اتقاضى لاجل عينك وعديّت
اشــبر وصل وتمد للبعد باعـــك

أنكرتني ماكنــي اللـي تمــنيّـت ..
ماتذكر أنــي كنت أصد أندفاعك؟

اهديتنـي بالامس حب وشطر بيت
(احذرمن اللي لاقسا الوقت باعك)

ويـنه شـعورك يوم أنا اليوم ناديت !
لونـي مكـانك ماتــجاهل سمـــاعك

ماينفعك ترديد ....ياليت.... ياليت..
(ضيّعتني وأنت السبب في ضياعك)