سهل ينوصف حسنك؟

اكو ناس اتكول حسنك
سهل كلش ينوصـــــــف
اورت اوصفك يا حبيبي
اودخت صدك بالوصف
من اباوع حسن عينك
لوني صــــــدك ينخطف
من اباوع طول شعرك
أنسه اسمي اشجم حرف
من اباوع لــــون شفتك
مني عقلي ايطير اخف
من اباوع حسن جسمك
جسمي صــــــدك يرتجف
من اشم عطرك حبيبي
عن عطرهــــم يختلف
اولو حجيت ابنص بلابل
صعبه صــــوتك ينعرف
حسنك احله امن الفرات
اودجله الك صبحت جرف
والزلازل سبب حسنك
والكمر مــــن ينخسف
ولو اقيس ابرختر اني
حسنك ايسجل عصف
واسألت عناس ذوله
السهلو وصف الترف
طلعو ايغارون منك
والمصيبه انته عرف
هسه عوف الناس ذوله
رادك اكليبي ولــــــف
اقبل امروتك حبيبي
لا أتيه انــــي انحرفسهل